بنون (ويب ڊيسڪ) خيبرپختونخواهه اسيمبلي ميمبر شير اعظم وزير جي گهر ٻاهريان رکيل بم ناڪارا بڻايو ويو آهي. رپورٽن مطابق قانون لاڳو ڪندڙ ادارن بنون ۾ دهشتگردي جي ڪوشش کي ناڪام بڻائي ڇڏيو آهي ۽ پيپلز پارٽي جي ايم پي اي شير اعظم وزير جي گهر ٻاهريان رکيل بم کي ناڪاره بڻايو. پوليس مطابق ايم پي اي شير اعظم وزير جي گهر ٻاهريان گيٽ وٽ 4 ڪلو گرام بم رکيو ويو هو، اهڙو اطلاع ملندي ئي بم ڊسپوزل اسڪواڊ ۽ پوليس جي ٽيم پهتي ۽ ترت بم کي ناڪاره بڻايو ويو. پوليس مطابق وقت سر ڪارروائي جي ڪري ڪوبه جاني نقصان نه ٿيو، سي سي ٽي وي فوٽيج ۽ ثبوت گڏ ڪري رهيا آهيون، ملوث عنصرن کي ڪنهن به صورت ۾ برداشت نه ڪيو ويندو.
190
