ڄامشورو (ڊسٽرڪٽ رپورٽر) لياقت ميڊيڪل يونيورسٽي ۾ ڊائريڪٽوريٽ آف لائبريري طرفان ٽن ڏينهن وارو ڪتابي ميلو شروع ٿي ويو آهي. ڪتابي ميلي جو افتتاح ڊائريڪٽر اسٽوڊنٽس افيئرس ڊاڪٽر سڄڻ هاليپوٽو، ايڊيشنل ڊائريڪٽر الله ڏنو ملاح ۽ ڊائريڪٽر لائبريري علي محمد ميمڻ گڏجي ڪيو. پير مائونٽ پبليڪيشن جي سهڪار سان شروع ٿيل ڪتابي ميلي ۾ مختلف موضوعن جا ڪتاب رکيا ويا آهن، جن کي ڏسڻ لاءِ شاگردن جو وڏو انگ پهتو. ان موقعي تي ڊائريڪٽر اسٽوڊنٽس افيئرس ڊاڪٽر سڄڻ هاليپوٽو جو چوڻ هو ته هن قسم جا ڪتابي ميلا هر تعليمي ادارن ۾ لڳرائڻ گهرجن ته جيئن شاگرد مختلف موضوع جا ڪتاب يونيورسٽي ۾ ويٺي حاصل ڪري سگهي ۽ ڪتابن جي اهميت کان آگاهه ٿي سگهي.
171
