اسلام آباد(ويب ڊيسڪ) صدر ڊاڪٽر عارف علوي اميد ظاهر ڪئي آهي ته سينيٽ جو نئون چونڊيل چيئرمين صادق سنجراڻي ماضي وانگر پنهنجون ذميداريون بهتر نموني سان سرانجام ڏيندو. اها ڳالهه هن سينيٽ چيئرمين صادق سنجراڻي سان ملاقات دوران چئي. ايوان صدر جي پريس ونگ مان جاري بيان موجب ملاقات ۾ اطلاعات ۽ نشريات وارو وزير سينيٽر شبلي فراز ۽ بلوچستان مان چونڊيل سينيٽر ثمينه ممتاز به موجود هئا. صدر سينيٽ چيئرمين کي ٻيهر چونڊجڻ تي مبارڪباد ڏني. صدر سينيٽر شبلي فراز ۽ سينيٽر ثمينه ممتاز کي به سينيٽ چونڊجڻ تي مبارڪباد ڏني. صدر چيو ته اميد آهي ته سينيٽ چيئرمين ماضي وانگر پنهنجون ذميداريون خوش اسلوبي سان انجام ڏيندو، صدر سينيٽ چيئرمين ۽ سينيٽرز لاءِ نيڪ خواهشن جو اظهار ڪيو.
163
