ميرپورخاص(بيورو رپورٽ) ايس ايس عمرڪوٽ اليون ۽ ايس ايس پي ميرپورخاص اليون وچ ۾ پي سي بي گرائونڊ ميرپورخاص ۾ منعقد دوستاڻي ٽي 20 ڪرڪيٽ ميچ ۾ ايس ايس پي ميرپورخاص اليون ايس ايس پي عمرڪوٽ اليون کي 7 وڪيٽن تان شڪست ڏئي سوڀ ماڻي ورتي. کيڏيل ميچ ۾ ايس ايس پي عمرڪوٽ اليون جي ٽيم 17 اوورن ۾ 121 رنسون اسڪور ڪري آئوٽ ٿي ويئي، ايس ايس پي عمرڪوٽ اليون پاران عامر 25 ۽ ھريش 28 رنسون اسڪور ڪيون، ايس ايس پي عمرڪوٽ اليون جي 121 رنسن جي جواب ۾ ايس ايس پي ميرپورخاص اليون گهربل اسڪور ٽن وڪيٽن جي نقصان تي حاصل ڪري وتو، ايس ايس پي ميرپورخاص اليون پاران ٽيم جي ڪيپٽن بهترين راند جو مظاهرو ڪندي بنا آئوٽ ٿئي 62 رنسن جي اننگ کيڏي ٽيم کي سوڀ ڏياري، بهترين اننگ کيڏڻ تي کيس مين آف دي ميچ جي اعزاز سان نوازيو ويو. ميچ جي خاص مهمانن ايس ايس پي عمرڪوٽ شاهجهان پٺاڻ ۽ ايس ايس پي مٺي حسن سردار ونر ۽ رنر ٽيمن سميت بهترين راند جو مظاهرو ڪندڙن ۾ ٽرافيون ورهايون. ان موقعي تي ڪريم وساڻ ۽ سليم غوري مهمانن کي سنڌ جي ثقافت اجرڪ جا تحفا پيش ڪيا.
295
