نئين دهلي(ويب ڊيسڪ) ڀارتي ڪرڪيٽر شرياس ايئر ڪلهي جي انجري سبب انڊين پريميئر ليگ (آءِ پي ايل) جي چوڏهين ايڊيشن کان ٻاهر ٿي ويو آهي. شرياس ايئر کي انڊين پريميئر ليگ ۾ فرنچائز دهلي ڪيپيٽلز جي ڪپتاني ڏني وئي هئي، پر هاڻي هو اها ذميواري ادا نه ڪري سگهندو. دهلي ڪيپيٽلز جي ڪپتان شرياس ايئر انگلينڊ خلاف ٽن ون ڊي ميچز جي سيريز جي شروعاتي ميچ ۾ کاٻي ڪلهي جي انجري جو شڪار ٿي ويو ۽ ان سبب هو انڊين پريميئر ليگ (آءِ پي ايل) جي 2021 سيزن کان محروم ٿي ويو آهي. شرياس ايئر جي ڪلهي جو اسڪين ورتو ويو هو جنهن کانپوءِ انهن کي انگلينڊ خلاف رهيل ميچز کان ٻاهر ڪيو ويو هو. خميس تي ان ڳالهه جي تصديق ٿي وئي آهي ته هو آءِ پي ايل 2021 کان پڻ ٻاهر ٿي ويو آهي
262
