گلگت ۾ مسافر گاڏي تي هٿياربندن جي فائرنگ، 5 ڄڻا مارجي ويا، 7 زخمي

گلگت (ويب ڊيسڪ) گلگت ۾ مسافر گاڏي تي هٿياربندن جي فائرنگ جي نتيجي ۾ 5 ڄڻا مارجي ويا ۽ 7 زخمي ٿي پيا آهن. ايس ايس پي گلگت بلتستان مطابق مسافر گاڏي گلگت کان نلتر بالا طرف وڃي رهي هئي ته اڻڄاتل هٿياربندن نلتر پائن ۾ آر سي سي پل وٽ گاڏي تي فائرنگ ڪري ڏني، جنهن جي نتيجي ۾ گهٽ ۾ گهٽ 5 ڄڻا مارجي ويا ۽ 7 ڄڻا زخمي ٿي پيا آهن، مقتولن جا لاش ۽ زخمين کي گلگت اسپتال منتقل ڪيو ويو آهي، پوليس علائقي کي گهيري هيٺ آڻي ثبوت گڏ ڪندي جوابدارن جي ڳولا شروع ڪري ڇڏي آهي.