نئين دهلي/اسلام آباد/ڪراچي/ٺٽو(ويب ڊيسڪ)”تائوتي“طوفان جو ڀارتي گجرات ڏانهن رخ، ڪراچي کان هڪ هزار ڪلو ميٽر پري، پاڪستان جي سامونڊي پٽي کان پري کان گذرندو، سنڌ جي سامونڊي پٽي تي اثر ٿيندو، سنڌ جي مختلف شهرن ۾ مٽيءَ جو طوفان، جهوپڙيون اڏامي ويون،ڪچن گهرن کي نقصان، لڏپلاڻ. حيدرآباد جي ڪمشنر پاڪ فوج ۽ پاڪ نيوي سان رابطو ڪري ورتو. رپورٽ موجب ”تائوتي“ طوفان شديد ترين طوفان بڻجي ويو آهي، ڀارتي شهر گجرات ڏانهن طوفان رخ ڪيو آهي، جنهن جي ڪري ڪيترائي ڪچا پڪا گهر ڪري پيا آهن، جڏهن ته وڏو نقصان ٿيو آهي، هوڏانهن موسميات کاتي جي ماهرن موجب سامونڊي طوفان پاڪستاني سامونڊي پٽي کان پري کان گذرندو، جڏهن ته سنڌ جي سامونڊي پٽي تي ان جو اثر ٿيندو، تيز مٽي جي طوفان اثر ڏيکارڻ شروع ڪري ڇڏيا آهن، ٺٽي، سجاول، بدين، ڪيٽي بندر ۽ ڀرپاسي جي شهرن ۾مٽي جي تيز طوفان سبب جهوپڙيون اڏامي ويون آهن، جڏهن ته ڪچن گهرن کي نقصان پهتو آهي، 17 کان 19 مئي تائين تيز ۽ هلڪي برسات جو امڪان ظاهر ڪيو پيو وڃي، هوڏانهن حيدرآباد جي ڪمشنر ڪنهن به امڪاني صورتحال کي منهن ڏيڻ لاءِ پاڪ فوج ۽ پاڪ نيوي سان رابطو ڪيو آهي، جڏهن ته لاڳاپيل اختيارن کي گهربل انتظام جلد مڪمل ڪرڻ جي هدايت ڪئي آهي، ٻئي طرف ڊي جي ميٽ سنڌ چيو آهي ته سنڌ جي سامونڊي پٽي تي طوفان جو اثر ٿيندو جڏهن ته پي ڊي ايم اي ترجمان چيو آهي ته سامونڊي پٽي وٽان لڏپلاڻ جون تياريون ڪري ڇڏيون آهن، اڍائي لک ماڻهن جي عارضي رهائش جو انتظام آهي، ٻئي طرف سنڌ جي سامونڊي پٽي ۾ سائيڪلون ايمرجنسي جي حوالي سان معدنيات، پبلڪ هيلٿ انجنيئرنگ ۽ رورل ڊيولپمينٽ واري صوبائي وزير مير شبير علي بجاراڻي ڊي سي آفيس ٺٽو ۾ هڪ هنگامي گڏجاڻي ڪئي. جنهن ۾ ايم پي اي حاجي علي حسن زرداري، ايم پي اي سيد رياض علي شاهه شيرازي، ڊپٽي ڪمشنر ٺٽو محمد عثمان تنوير، ايس ايس پي ٺٽو ڊاڪٽر محمد عمران خان سميت ضلعي جي سمورن لاڳاپيل عملدارن شرڪت ڪئي ۽ سائڪلون ۽ رين ايمرجنسي جي حوالي سان ڪيل انتظامن بابت آگاهي ڏني. ان موقعي تي صوبائي وزير عملدارن کي هدايت ڪئي ته ضلعي ۾ برساتي نالن جي صفائي سٿرائي ۽ پاڻي نيڪالي جي نظام کي منظم بڻائڻ ۽ گهربل مشينري جي دستيابي کي يقيني بڻايو وڃي. هن چيو ته فوري طور مشينري جي مرمت ڪرائي وڃي، ٻي صورت ۾ سستي جو مظاهرو ڪندڙ عملدارن خلاف ڪارروائي ڪئي ويندي. هن چيو ته سنڌ حڪومت فنڊز ڏئي رهي آهي ته جيئن عوام کي تحفظ فراهم ڪري کين جاني توڙي مالي نقصان کان بچائي سگهجي. هن چيو ته پ پ چيئرمين بلاول ڀٽو زرداري ۽ وزير اعليٰ سنڌ سيد مُراد علي شاهه جي خاص هدايتن تحت ضلعي ٺٽي جي عوام جي مدد ۽ کين هر قسم جي تحفظ فراهم ڪرڻ لاءِ موجود آهيون ۽ جيستائين طوفان جو خطرو نٿو ٽري تيستائين ضلعي انتظاميا ۽ عوام سان گڏ آهيون. ان موقعي تي ڊپٽي ڪمشنر ٺٽو محمد عثمان تنوير صوبائي وزير کي ٻڌايو ته تيز برساتن واري صورتحال کي منهن ڏيڻ لاءِ ضلعي انتظاميه پاران اڳواٽ ئي سمورا گھربل انتظام مڪمل ڪيا ويا آهن جڏهن ته سمورن کاتن جي سهڪار سان هڪ جامع پلان پڻ جوڙيو ويو آهي. هن چيو ته ضلعي جي سمورين اسپتالن ۾ ايمرجنسي لاڳو ڪئي وئي آهي جڏهن ته ايمبولينس چالو حالت ۾ موجود آهن، ان کان علاوه عملي جي حاضري ۽ دوائن جي دستيابي پڻ يقيني بڻائي وئي آهي. هن چيو ته فائر برگيڊ گاڏيون ۽ پاڻي ڪڍڻ جون مشينون پڻ دستياب آهن. هن چيو ته ان حوالي سان ضلعي ۽ تعلقي سطح تي ڪنٽرول رومز پڻ قائم ڪيا آهن. بعد ۾ ڊي سي آفيس ۾ ميڊيا سان ڳالهائيندي صوبائي وزير مير شبير علي بجاراڻي چيو ته سنڌ حڪومت سامونڊي طوفان ۽ تيز برساتن کان عوام کي بچائڻ لاءِ متحرڪ ٿي چڪي آهي ۽ سمورا صوبائي وزير هن وقت سنڌ جي مختلف ضلعن ۾ انتظاميه سان گڏجي اڳواٽ قدم کڻي رهيا آهن. هن چيو ته امڪاني متاثر ضلعن ۾ هنگامي حالتون لاڳو ڪيون ويون آهن ۽ ضرورت پوڻ تي عوام جي ڀرپور مدد ڪئي ويندي. هن چيو ته عوام کي قدرتي آفتن کان تحفظ فراهم ڪرڻ حڪومت جو فرض آهي تنهن ڪري اسان هر ممڪن قدم کڻي رهيا آهيون. هڪ سوال جي جواب ۾ صوبائي وزير چيو ته جيڪي ماڻهو سمنڊ اندر ڪريڪس ۾ رهن ٿا انهن کي ريسڪيو ڪرڻ لاءِ پاڪ نيوي سان ويجھي رابطي ۾ آهيون ان کان علاوه موبائل ٽيمون تيار آهن ڪنهن به امڪاني صورتحال کي منهن ڏيڻ لاءِ هر قسم جي تياري ۽ سهولت مڪمل آهي. هڪ ٻئي سوال جي جواب ۾ هن چيو ته سنڌ جي حقن تي ڪنهن به صورت ۾ ڌاڙو هڻڻ نه ڏنو ويندو ۽ پاڻي جي مسئلو هُجي يا سنڌ جو ڪوبه مسئلو هُجي وزير اعليٰ سنڌ هر فورم تي آواز اٿاري ٿو ۽ هر وقت متحرڪ آهي. هوڏانهن ايڪسائيز اينڊ نارڪوٽڪس جو صوبائي وزير مڪيش ڪمار چاولا سنڌ جي وڏي وزير سيد مراد علي شاھ کي برساتن جي نگراني ڪندڙ فوڪل پرسن مقرر ڪيو آهي ته جيئن عربي سمنڊ ۾ طوفان ۽ ممڪن طور تي طوفان ۽ برسات جي مختلف علائقن جي طوفانن کي نظر ۾ رکندي حيدرآباد جي صورتحال کي نظر ۾ رکي سنڌ ايم اين اي طارق علي شاهه ڄاموٽ، ايم پي ايز شرجيل انعام ميمڻ، ڄام خان شورو، راشد خلجي، عبدالجبار خان، پ پ حيدرآباد جي صدر صغير احمد قريشي، ڊويزنل ڪمشنر جي صدارت ۾ هڪ اعليٰ سطحي اجلاس منعقد ڪيو ويو. گڏجاڻي ۾ بلوچ ، ڊپٽي ڪمشنر حيدرآباد فواد غفار سومرو، ايس ايس پي حيدرآباد عبدالسلام شيخ سميت ٻين لاڳاپيل کاتن جي آفيسرن شرڪت ڪئي. ان موقعي تي اجلاس کي خطاب ڪندي صوبائي وزير مڪيش ڪمار چاولا حيسڪو کي هدايت ڪئي ته هو ان جي نظام کي بهتر بڻائڻ جي دوران ڪنهن به قسم جي ايمرجنسي کي منهن ڏيڻ لاءِ مقرر ڪرڻ جي هدايت ڪندي چيو ته ڪنهن فني خرابي کي بنا دير جي درست ٿيڻ گهرجي، هن وڌيڪ حيسڪو کي هدايت ڪئي مينهن جي دوران لوڊشيڊنگ کان پاسو ڪيو وڃي ته جيئن برسات جي پاڻي جي نيڪال باهمي جاري رهي سگهي ۽ انهي سلسلي ۾ سمورن پمپنگ اسٽيشنن کي ٻن رابطن سان فراهم ڪيو وڃي ته اهي ممڪن طوفانن مان پيدا ٿيندڙ صورتحال کان نمٹنے جي لاءِ هن لاڳاپيل عملدارن کي هدايت ڪئي ته هو فوري طور تي برطرفي کي يقيني بڻائين۔ ضلعي انتظاميه ۽ عوامي چونڊيل نمائندا گذريل سال برسات جي صورتحال ۾ ضلعي انتظاميه ۽ عوامي چونڊيل نمائندن شهر جي ڪيترن ئي علائقن مان فوري طور تي برساتي پاڻي جي نيڪال ممڪن هئي ۽ اهو طئي ڪيو ويو ته هن ڀيري به ممڪن آهي ته ايندڙ برسات دوران بهتر ڪارڪردگي پيش ڪئي وڃي.صوبي وزير سڀني کاتي کي طوفان جي صورتحال بابت آگاهي ڏني انهن کي هدايت ڪئي پنهنجون ذميواريون سنجيده وٺو ۽ ويجهي رابطي ۾ رهجو. هن لاڳاپيل آفيسرن کي هدايت ڪئي ته اهي مسئلا مستقل بنيادن تي حل ڪرڻ لاءِ قدم کڻي. مڪيش ڪمار چاولا چيو ته اهو وقت آهي ڪم ڪرڻ جي لاءِ جنهن لاءِ سڀني رياستن کي پنهنجو ڪردار ادا ڪرڻ جي ضرورت آهي. صوبائي وزير واسا ملازمن جي تنخواهن جي جاري ٿيڻ ۽ ٻين اهم معاملن جي لاءِ هر ممڪن تعاون جو يقين ڏياريو. اجلاس کي بريفنگ ڏيندي ڊويزنل ڪمشنر محمد عباس بلوچ چيو ته موسميات کاتي طرفان ڪيل سمندري اڳڪٿي کانپوءِ سنڌ جي وڏي وزير حيدرآباد ڊويزن جي سڀني ضلعن کي هدايت ڪئي آهي ته ان سلسلي ۾ تڪبندين جا منصوبا جوڙيا وڃن، ضلعي کان تيز هوائن سان سخت برسات جو امڪان آهي. جنهن لاءِ ضلعي انتظاميه قدم کڻي رهي آهي. ڊپٽي ڪمشنر حيدرآباد فواد غفار سومرو اجلاس کي امڪاني برسات جي حوالي سان کنيل قدمن بابت تفصيلي بريفنگ ڏني. ٻئي طرف ڪراچي جي مهاڻن پنهنجا هوڙا سمنڊ ڪناري پهچائي ڇڏيا آهن، هوڏانهن سنڌ جي ٻين شهرن جيان کورواهه، ڊگهڙي، حيدرآباد، ڄامشورو، ڪوٽڙي ۽ ڀرپاسي جي علائقن ۾ مٽي جو طوفان آيو، ٻئي طرف امڪاني صورتحال کي منهن ڏيڻ لاءِ بدين ۾ صوبائي وزير اسماعيل راهو، سانگهڙ ۾ صوبائي وزير سردار علي شاهه جي اڳواڻي ۾ الڳ الڳ اجلاس ٿيا، جنهن ۾ لاڳاپيل اختيارين شرڪت ڪئي، اجلاس ۾ ڪنهن به صورتحال کي منهن ڏيڻ لاءِ تياريون ڪرڻ جي هدايت ڪئي.
169
