169

وياج جي شرح 7 سيڪڙو برقرار ، معيشت بهتر، مهانگائي گهٽ ٿيڻ جو امڪان آهي: اسٽيٽ بئنڪ

ڪراچي (ويب ڊيسڪ) اسٽيٽ بينڪ ايندڙ ٻن مهينن لاءِ پنهنجي مانيٽري پاليسي جاري ڪري ڇڏي آهي، جنهن هيٺ ايندڙ ٻن مهينن لاءِ  وياج جي شرح 7 سيڪڙو جي سطح تي برقرار رکي آهي. استيٽ بئنڪ هلندڙ مالي سال ۾ مهانگائي گهٽجي 9 سيڪڙو تائين  برقرار رهڻ  امڪان ظاهر  ڪيو آهي. اسٽيٽ بينڪ طرفان جاري ڪيل پڌرائي ۾ چيو آهي ته هلندڙ سال اپريل تائين مهانگائي جي شرح 11.1 سيڪڙو  ريڪارڊ ٿي، وچ مدي ۾ 5 کان 7 سيڪڙو رهڻ جو امڪان آهي، ملڪ جي معيشت مضبوط بنيادن تي بهتر ٿي رهي آهي، صنعتي شعبي جي ترقيءَ ۾ 3.6 سيڪڙو ترقي ٿي، 17 ورهين کان پوءِ  10 مهينن ۾ هلندڙ کاتا سرپلس رهيا، پرڏيهي ناڻو 4 ورهين جي بلند سطح تي پهچي ويو آهي. اسٽيٽ بئنڪ وڌيڪ چيو آهي ته  خانگي سيڪٽر جي قرضن ۾ 43 سيڪڙو واڌ ٿي، اسٽيٽ بئنڪ وٽ پرڏيهي ناڻو  16 ارب ڊالر ٿي ويو آهي.

هن خبر تي پنهنجي راءِ جو اظهار ڪريو.

پنهنجي راءِ ڏيو