ٽنڊومستي (ويب ڊيسڪ) ٽنڊي مستي ۾ ٽرالر جي ٽڪر ۾ موٽرسائيڪل سوار پيءُ ۽ پٽ فوت، 2 ڌيئرون ۽ پٽ زخمي، ان سلسلي ۾ قومي شاهراهه تي حادثي ۾ لکي غلام شاهه واسي 40 ورهين جو منٺار علي عرف منظور پٽ محراب شيخ موقعي تي چيڀاٽجي فوت ٿيو، جڏهن ته فوتي جي 15 ورهين جي ڌيءَ وينجهر، 11 ورهين جو پٽ احسان، 7 ورهين جي ڌيءَ گلان ۽ 8 ورهين جو پٽ غلام نبي زخمي ٿيا، زخمي ٻارڙن کي مقامي ماڻهن فوري طور تي کڻائي گمس آندو، جتي 11 ورهين جي احسان علي شيخ به دم ڏئي ڇڏيو، هوڏانهن ٽنڊومستي پوليس حادثي واري هنڌ تان ٽرالر ڊرائيور ۽ عملي کي گرفتار ڪري سندن گاڏي تحويل ۾ وٺي ڇڏي آهي، جڏهن ته فوتين جا لاش ضروري ڪارروائي بعد رات دير سان وارثن حوالي ڪيا ويا هئا، آخري اطلاعن تائين حادثي جو ڪيس داخل نه ٿيو هو.
141
