اسلام آباد (ويب ڊيسڪ) سائنس ۽ ٽيڪنالوجي واري وفاقي وزير شبلي فراز چيو آهي ته تحقيق مان پاڪستاني عوام ۽ پوري انسانيت کي فائدو پهچائڻ گهرجي. حلال اٿارٽي سان اسان جي روانگي واپار ۾ اضافو ٿيندو، اسلامي ملڪن سان گڏجي ان شعبي ۾ تحقيق کي وڌايو ويندو. اهي ڳالهيون هن اڱاري ڏينهن ڪامسٽيڪ آڊيٽوريم ۾ ”ٽيسٽنگ ليبارٽري ڪيئن قائم ڪجي“ جي عنوان هيٺ ٽن ڏينهن واري تربيتي ڪورس ۾ شرڪت ڪندڙن کي خطاب ڪندي ڪيون. وفاقي وزير چيو ته اسان جو ايمان آهي ته اسلام هڪ طرز زندگي آهي، اسلام انسانيت جي لاءِ خوراڪ جا معيار طئي ڪري ٿو. بدعنواني حلال نه آهي، حلال جو مطلب قانون جي تحت ڪم ڪرڻ آهي. هن چيو ته بين الاقوامي سطح تي وڃڻ بدران خوراڪ جي صحت مند معيار کي يقيني بنائڻ تي ڌيان ڏيڻ جي ضروري آهي. ليبارٽرين ۾ خوراڪ جي حلال يا حرام هجڻ جو تعين ڪرڻ جي مڪمل صلاحيت هجڻ گهرجي. وفاقي وزير حلال صنعت سان جڙيل سمورن ادارن جي صلاحيتن ۾ اضافي لاءِ طريقيڪار تيار ڪرڻ جي ضرورت تي زور ڀريو ۽ چيو ته يونيورسٽين کي به ان عمل جو حصو بڻجڻ گهرجي.
132
