سکر (ويب ڊيسڪ) گهوٽڪي ريل حادثي جي انڪوائري اڄ کان شروع ٿيندي. فيڊرل گورنمينٽ انسپيڪٽر آف ريلويز فرخ تيمور غلزئي ٽن ڏينهن تائين بيان قلمبند ڪندو. ترجمان ريلوي مطابق 7 جون تي گهوٽڪي ويجهو ٻن مسافر ٽرينن ملت ايڪسپريس ۽ سرسيد ايڪسپريس وچ ۾ حادثو ٿيو هو. حادثي ۾ 63 ڄڻا فوت ٿي ويا. حادثي جي انڪوائري اڄ 16 جون کان سکر ۾ شروع ٿي رهي آهي. ترجمان ريلوي مطابق فيڊرل گورنمينٽ انسپيڪٽر آف ريلويز فرخ تيمور غلزئي ملت ايڪسپريس ۽ سرسيد ايڪسپريس جي حادثي جي حوالي سان ڊويزنل سپرينٽڊنٽ آفيس سکر ۾ اڄ کان 3 ڏينهن تائين انڪوائري ڪندو. هو 16، 17 ۽ 18 جون تي حادثي جي حوالي سان مسافرن ۽ گواهن جا بيان قلمبند ڪندو. ترجمان چيو ته جيڪڏهن ڪو شخص ملت ايڪسپريس ۽ سرسيد ايڪسپريس جي ايڪسيڊنٽ ڊي رلمينٽ جي حوالي سان ڪوبه ثبوت ڏيڻ چاهي ته مٿي ڄاڻايل تاريخن ۾ ڊويزنل سپرينٽڊنٽ آفيس سکر ۾ حاضر ٿي بيان ڏئي سگهي ٿو.
174
