189

ايندڙ مالي سال ۾ وڌيڪ 28 ضلعن کي بنا وياج قرض پروگرام ۾ شامل ڪيو ويندو: ڊاڪٽر ثانيه نشتر

اسلام آباد (ويب ڊيسڪ) وزيراعظم جي سماج تحفط ۽ غربت جي خاتمي بابت خاص مددگار ڊاڪٽر ثانيه نشتر چيو آهي ته ڪريانه اسٽورن جي نظام جي ڊجيٽلائيزيشن سان نه رڳو روينيو ۾ اضافو ۽ کاڌي پيتي جي شين جي قيمتن ۾ گهٽتائي آڻڻ ۾ مدد ملندي پر ٽارگيٽ سبسڊيز ڏيڻ ۾ به مدد ملندي، ايندڙ مالي سال ۾ وڌيڪ 28 ضلعن کي بنا وياج قرض پروگرام ۾ شامل ڪيو ويندو، احساس تحفظ پروگرام کي سگهه ڏني ويندي، موجوده بجيٽ ۾ صنعت، ڪاروبار ۽ عوام کي رليف فراهم ڪرڻ لاءِ ڪيترائي قدم کنيا ويا آهن. جمعي ڏينهن سينيٽ ۾ ايندڙ مالي سال 22 -2021ع جي بجيٽ تي بحث ۾ حصو وٺندي ڊاڪٽر ثانيه نشتر چيو ته بجيٽ ۾ حڪومتي ترجيحن جو تعين ڪيو ويو آهي، معاشي سرگرمين جو فروغ ۽ عوام جي مشڪلاتن جو ازالو حڪومت جي اولين ترجيح آهي، ان بجيٽ ۾ پگهاردار طبقي تي ڪو به تيڪس نه لڳايو ويو، مزدور جي گهٽ کان گهٽ پگهار 20 هزار روپيا مقرر ڪيو ويو آهي، 260 ارب روپيا احساس پروگرام لاءِ مختص ڪيا ويا آهن، هن چيو ته خصوصي اقتصادي زونز تي ٽيڪس ڇوٽ، سيلز ٽيڪس تي ڇوٽ، ڪيپيٽل گين ٽيڪس ۾ گهٽتائي، ٽيلي ڪام ٽيڪس ۾ گهٽتائي ۽ ڪسٽم ڊيوٽي جي مد ۾ صنعتن جي ڪچي مال تي ڇوٽ ڏني وئي آهي، هن چيو ته اليڪٽريڪل وهيڪل ۽ ننڍين گاڏين تي ٽيڪس گهٽ ڪيو ويو آهي، بئنڪنگ ٽرانزيڪشن تي وڌ هولڊنگ ٽيڪس ختم ڪيو ويو آهي، هن چيو ته 2021ع ۾ احساس پروگرام لاءِ 209 ارب روپيا مختص ڪيا ويا هئا جنهن مان 97 سيڪڙو خرچ ٿيا، هلندڙ سال اها رقم وڌائي 260 ارب روپيا ڪئي وئي آهي. هن چيو ته هن بجيٽ ۾ هڪ ڪروڙ 20 لک ماڻهن کي احساس ايمرجنسي ڪيش جي مد ۾ 12 هزار روپيا امداد ملندي، اهو مرحلو ڊسمبر ۾ مڪمل ڪيو ويندو، جنوري کان جولاءِ 2022ع جي دوران احساس ڪفالت پروگرام ۾ وڌيڪ 30 لک خاندانن کي شامل ڪيو وڃي، وظيفي جي رقم 12 هزار مان وڌائي 13 هزار روپيا ڪئي ويندي، بئنڪ اڪائونٽس لاءِ مستحقين کي رقم فراهم ڪئي ويندي، احساس نشو نما پروگرام تحت 50 ضلعن ۾ 150 مرڪز قائم ڪيا ويندا، سڄي ملڪ ۾ احساس ونڊو مرڪز قائم ڪيا ويندا، بنا وياج قرض پروگرام ۾ 28 ضلعن کي شامل ڪيو ويندو، احساس تحفظ پروگرام جو دائرو وسيع ڪيو ويندو،ا حساس پروگرام تحت مستحقين کي يوٽيلٽي اسٽورز تي خريداري تي رعايت ملندي، ريڙهي وارن جي لاءِ نظام ۾ بهتري آندي ويندي.

هن خبر تي پنهنجي راءِ جو اظهار ڪريو.

پنهنجي راءِ ڏيو