ڪراچي (ويب ڊيسڪ) دهشتگردي ٽوڙ عدالت تحريڪ انصاف اڳواڻ حليم عادل شيخ جي آزادي جو فيصلو ملتوي ڪري ڇڏيو. ڪراچي جي دهشتگردي ٽوڙ عدالت ۾ سنڌ اسيمبلي جي اپوزيشن ليڊر حليم عادل شيخ جي ضمانت جي درخواست تي ٻڌڻي ٿي. عدالت ڌرين جي وڪيلن جا دليل ٻڌڻ کانپوءِ فيصلو محفوظ ڪري ورتو ۽ چيو ته جوابدار جي ضمانت جي درخواست تي اڄ ئي فيصلو ٻڌايو ويندو. پوءِ عدالت فيصلو سومر تائين ملتوي ڪري ڇڏيو. واضح رهي ته حليم عادل شيخ تي سرڪاري ڪم ۾ مداخلت، هنگامي، هوائي فائرنگ سميت ٻيا الزام آهن ۽ مٿس ميمڻ ڳوٺ ٿاڻي تي ڪيس داخل آهي.
186
