ڪراچي (ويب ڊيسڪ) اطلاعات کاتي واري صوبائي وزير سيد ناصر حسين شاھه سنڌ پروٽيڪشن آف جرنلسٽس اينڊ اڌر ميڊيا پريڪٽشنرز بل 2021 جي سنڌ اسيمبلي مان ٻيھر منظوري تي صحافين ۽ ميڊيا ورڪرن کي واڌايون ڏنيون آھن. ان اڳ بل ٻيھر اسيمبلي پيش ڪرڻ جي موقعي تي خطاب ڪندي ، ھن چيو ته گورنر سنڌ بل تي غير ضروري اعتراض واري بل واپس ڪيو. ان جو جواب ڏيڻ لاءِ سنڌ اسيمبلي مان ٻيھر بل منظور ڪرائيندس ته جيئن صحافين جي تحفظ ۾ رڪاوٽون وجهندڙن جي توثيق جي ضرورت ئي نه پوي. ھن چيو ته پي ٽي آئي کان ميڊيا جي آزادي ھضم ئي نه پئي ٿئي. وفاقي حڪومت آرڊيننس ۽ نوان قانون آڻي ميڊيا تي پابنديون مڙھڻ چاهي ٿي ۽ ميڊيا جو ڳلو دٻائي رکڻ چاهي ٿي. ھن چيو ته پاڪستان پيپلزپارٽي صحافين جي تحفظ وارو بل سنڌ اسيمبلي مان ٻيھر منظور ڪرائي رھي آھي ۽ ھاڻي اھڙن ماڻھن جي توثيق جي ضرورت ئي نه پوندي، جيڪي ان ۾ رڪاوٽون وجھي رهيا هئا.
143
