اتر وزيرستان ۾ سرحد پار کان فوجي چؤڪي تي فائرنگ جي سخت لفظن ۾ مذمت ڪريون ٿا: شيخ رشيد

اسلام آباد (ويب ڊيسڪ) گهرو معاملن واري وفاقي وزير شيخ رشيد احمد اتر وزيرستان ۾ سرحد پار کان فوجي چؤڪيءَ تي فائرنگ واري واقعي جي سخت مذمت ڪئي آهي. جاري ڪيل بيان مطابق گهرو وزير چيو ته افغانستان جي سرزمين تان پاڪستاني علائقن ۾ دهشتگرديءَ جي واردات افسوسناڪ آهي. سرحد پار کان دهشتگردي جون ڪارروايون ختم ٿيڻ گهرجن، پاڪستان پنهنجي سرحد کي وڌيڪ محفوظ ۽ مضبوط بڻائيندو. هن چيو ته اتر وزيرستان جي علائقي ۾ شهيد ٿيل فوجي جوانن جي وارثن سان همدرديءَ جو اظهار ڪريان ٿو. شيخ رشيد احمد چيو ته پاڪ فوج جون وطن جي سلامتيءَ خاطر قربانيون لازوال آهن.