ڪراچي (ويب ڊيسڪ) سينٽرل جيل ڪراچي ۾ قيد ايم ڪيو ايم لنڊن جي جوابدار نعيم پراسرار نموني فوت ٿي ويو. جيل ذريعن جو چوڻ هي ته صبح 5 وڳي اوچتو جوابدار جي طبيعت خراب ٿي پئي، کيس طبي امداد لاءِ سول اسپتال جي ايمرجنسي وارڊ ۾ منتقل ڪيو ويو، جتي صبح 8 وڳي هو فوت ٿي ويو. 66 ورهين جي ملزم نعيم احمد کي سي ٽي ڊي دهشتگردي ۽ ٻين سنگين ڏوهن جي الزام هيٺ گرفتار ڪيو هو، ملزم جاچ دوران اهم انڪشاف ڪيا هئا، جنهن بعد فاروق ستار ۽ انيس ايڊووڪيٽ کي به پڇاڳاڇا لاءِ گهرايو ويو هو، پوليس ذريعن جو چوڻ هو ته جوابدار جي موت جو سبب پوسٽ مارٽم کانپوءِ پتو پوندو.
113
