لاڙڪاڻو (ويب ڊيسڪ) لاڙڪاڻي شهر جي نئون ديرو روڊ ڏاهاڻي ڪالوني ۾ رولو ڪتي چڪ هڻي 12 سالن جي نينگر رمضان پٽ عبدالستار راهوجو کي سخت زخمي ڪري ڇڏيو جنهن کي سندس وارثن زخمي حالت ۾ کڻائي چانڊڪا اسپتال جي حادثن واري شعبي ۾ آندو جتي کيس طبي امداد ڏني وئي. ان موقعي تي زخمي نينگر جي وارثن ٻڌايو ته رمضان پاڙي ۾ شيمپو کپائي رهيو هو ته اوچتي رولو ڪتي کيس چڪ هڻي زخمي ڪري ڇڏيو جنهن کي اسپتال داخل ڪرايو آهي.
