حيدرآباد (ويب ڊيسڪ) ٽنڊوڄام پوليس جي ڪارروائي، سنگين ڏوهن ۾ ملوث جوابدار هٿيار سوڌو گرفتار، خبر موجب ايس ايس پي حيدرآباد جي هدايتن جي روشني ۾ ٽنڊوڄام پوليس جي چوري، ڌاڙن، پوليس مقابلي سميت ٻين سنگين ڏوهن ۾ ملوث جوابدار خلاف ڳجهي اطلاع تي موسيٰ کٽياڻ لنڪ روڊ لڳ نور شاه ڪاليج وٽ ڪارروائي ۾ ڏوهاري رجب عرف رجو مگسي کي گرفتار ڪري ورتو. پوليس موجب گرفتار جوابدار جي قبضي مان30 بور جو پستول ۽ ٽي رائونڊز برآمد ٿيا آهن. گرفتار جوابدار رجب عرف رجو مگسي ٽنڊوڄام پوليس کي ڌاڙي ۽ پوليس مقابلي جي ڪيسن ۾ گهربل هو. جوابدار پنهنجي ساٿين سان گڏ 16 جون تي حرمين سٽي ٽنڊوڄام جي سيڪيورٽي گارڊ کان رپيٽر پڻ ڦر ڪيو هو. گرفتار جوابدار خلاف آرمس ايڪٽ تحت ڪيس داخل ڪيو ويو آهي.
132
