مظفرآباد (ويب ڊيسڪ) پاڪستان مسلم ليگ(ن) جي نائب صدر مريم نواز چيو آهي ته عمران خان جو چونڊ نشان ڪشمير وڪرو ڪندڙ، کنڊ چور ۽ مهانگو اٽو هجڻ گهرجي. ڪشميرين جو اڳواڻ هن جهڙو ڊڄڻو انسان نٿو ٿي سگهي. شارده آزاد ڪشمير ۾ چونڊ جلسي کي خطاب ڪندي مريم نواز وڌيڪ چيو ته نوازشريف ۽ مريم نواز ڪشميري آهن. هتي هر شخص مون کي نوازشريف نظر اچي رهيو آهي. نوازشريف هر ماڻهو جي دل ۾ رهندو آهي. ڪشميرين جو اڳواڻ ۽ سپه سالار اهوئي ٿي سگهي ٿو ڪشمير جو مسئلو نوازشريف جي اڳواڻي ۾ ئي حل ٿيندو. مريم نواز وڌيڪ چيو ته سليڪٽڊ جي نه گهر ۾ عزت آهي ۽ نه ئي ٻاهر. نوازشريف چيو هو ته عمران خان جهڙي سوغات کي جتان کان آندو آهي اتي واپس کڻي وڃو. جيڪو سليڪٽرز سان ملي اقتدار ۾ آيو هجي ان کي آزادي جي ڪهڙي خبر. آر ٽي ايس ويهاري ووٽ چوري ڪندڙ کي آزادي جي اهميت جي ڪهڙي خبر.
121
