ڪراچي (ويب ڊيسڪ) ڪراچي جي علائقي ڪورنگي ۾ بئنڪ ۾ ڌاڙي جي ڪوشش ناڪام بڻائيندي هڪ ڦورو کي ماريو ويو ۽ هڪ زخمي ٿي پيو، ايس ايس پي ڪورنگي شاهه جهان خان جو چوڻ آهي ته ڪورنگي جي علائقي ۾ قائم هڪ بئنڪ ۾ 4 ڦورو داخل ٿيا، جنهن جي اطلاع تي پوليس پهتي ته مقابلو ٿيو، جنهن ۾ هڪ ڦورو مارجي ويو ۽ ٻيو زخمي ٿي پيو، جڏهن ته ٻه ڄڻا فرار ٿي ويا، هن جو چوڻ آهي ته بينڪ ۾ ڌاڙي جي ڪوشش ناڪام بڻائيندي جوابدارن جي موٽر سائيڪلون ۽ هٿيار تحويل ۾ ورتا ويا آهن، جڏهن ته فرار ٿيل ڦورن جي گرفتاري لاءِ ڪارروائي تيز ڪئي وئي آهي.
130
