مظفر آباد(ويب ڊيسڪ) مسلم ليگ ن جي نائب صدر مريم نواز چيو آهي ته نواز شريف جي قرباني رنگ لائيندي، پي ٽي آءِ شو فلاپ ٿي ويو،اسان چونڊ کٽينداسين، آزاد ڪشمير ۾ چونڊ جلسي کي خطاب ڪندي هن چيو ته جيڏانهن وڃان ٿي،تيڏانهن نواز شريف جا آواز اچن ٿا،مائينس جو خواب ڏسندڙن کي هي جلسو ڏسڻ گهرجي، آزاد ڪشمير ن ليگ جو ساٿ ڏئي تاريخ رقم ڪئي،نواز شريف جي قرباني ضايع نه ٿيندي پوءِ رنگ لائيندي،ڪارڪن چونڊ کٽي چڪا آهن، هن چيو ته سليڪٽيڊ سرڪاري جلسي ۾آيو هو، ڪروڙين رپيا خرچ ڪيا،پر پوءِ به پي ٽي آءِ شو فلاپ ٿي ويو،جلسو نه ڪن ها ته ڀرم رهجي اچي ها، هن وڌيڪ چيو ته ڪراچي کان خيبر تائين انهن کي عوام رد ڪري ڇڏيو آهي،هي چونڊون نه پر انقلاب آهي،25 جولاءِ تي اسان ڪاميابي ماڻينداسين.
193
