اسلام آباد (ويب ڊيسڪ) گذريل 24 ڪلاڪن دوران ڪورونا وائرس جي ڪري سنڌ کانپوءِ پنجاب ۾ سڀ کان وڌيڪ فوتگيون رڪارڊ ڪيون ويون. سڄي ملڪ ۾ گذريل 24 ڪلاڪن دوران ڪورونا وائرس سبب 60 فوتگيون ٿيون جنهن مان 33 فوتگيون وينٽيليٽرز تي موجود مريضن جون ٿيون. نيشنل ڪمانڊ اينڊ آپريشن سينٽر پاران جاري ڪيل انگن اکرن موجب گذريل 24 ڪلاڪن دوران سڄي ملڪ ۾5 هزار 661 ماڻهن جا ڪورونا ٽيسٽ مثبت آيا. ملڪ جي چئن وڏن شهرن ۾ وينٽيليٽرز تي ڪووڊ – 19 جي مريضن جي تناسب جي لحاظ کان بهاولپور ۾ 40 سيڪڙو، پشاور ۾ 31 سيڪڙو، گوجرانوالا 21 سيڪڙو ۽ اسلام آباد ۾ 37 سيڪڙو مريض آهن. اهڙي طرح ملڪ جي چئن وڏن شهرن ۾ آڪسيجن جي سهولت وارن بسترن تي ڪورونا جي مثبت ڪيسن جي تناسب جي لحاظ کان ايبٽ آباد ۾ 70، ڪراچي ۾ 63 سيڪڙو، اسڪردو ۾ 49 سيڪڙو ۽ حيدر آباد ۾ 44 سيڪڙو مريض آهن. گذريل 24 ڪلاڪن دوران ڪوويڊ – 19 جا 62 هزار 462 ٽيسٽ ڪيا ويا جن مان سنڌ ۾ 21 هزار 759، پنجاب ۾ 20 هزار 96، خيبرپختونخواهه ۾ 11 هزار 276، اسلام آباد ۾ 4 هزار 179، بلوچستان ۾ 2 هزار 672، گلگت بلتستان ۾ 756، آزاد ڪشمير ۾ هڪ هزار 724 ٽيسٽ شامل آهن. هيستائين سڄي ملڪ ۾ ڪوويڊ 19 مان صحتياب ٿيندڙن جو انگ 9 لک 52 هزار 616 ٿي چڪو آهي. گگت بلتستان، آزاد ڪشمير ۽ بلوچستان ۾ ڪوويڊ 19 جو ڪو به مريض هن وقت وينٽيليٽر تي نه آهي. جڏهن ته سڄي ملڪ ۾ ڪوويڊ 19 جي لاءِ مخصوص ڪيل وينٽيليٽرز تي ڪوويڊ 19 جا 404 مريض آهن. سڄي ملڪ ۾ ڪوويڊ 19 جي ايڪٽو ڪيسز جو انگ 77 هزار 409 آهي. سڄي ملڪ ۾ ڪورونا وائرس کان متاثر ماڻهن جو انگ 10 لک 53 هزار 660 آهي جن مان آزاد ڪشمير ۾ 25 هزار 778، بلوچستان ۾ 30 هزار 880، گلگت بلتستان ۾ 8 هزار 473، اسلام آباد ۾ 89 هزار 117، خيبرپختونخواهه ۾ هڪ لک 46 هزار 485، پنجاب ۾ 3 لک 60 هزار 494 ۽ سنڌ ۾ 3 لک 92 هزار 433 مريض آهن. سڄي ملڪ ۾ ڪوويڊ 19 سبب فوت ٿيندڙن جو انگ 23 هزار 635 ٿي چڪو آهي، جن مان سنڌ ۾ 6 هزار 98 فوتگيون ٿيون جڏهن ته گذريل 24 ڪلاڪن دوران 29 مريض اسپتالن ۾ ۾ ۽ 4 مريض گهرن ۾ قرنطينه دوران ان وائرس سبب فوت ٿيا. پنجاب ۾ 11 هزار 122 فوتگيون جڏهن ته گذريل 24 ڪلاڪن دوران 14 مريض اسپتالن ۾ ۽ 4 مريض گهرن ۾ قرنطينه دوران ان وائرس سبب فوت ٿيا. خيبرپختونخواهه ۾ 4 هزار 495 فوتگيون ٿيون جڏهن ته گذريل 24 ڪلاڪن دوران 8 مريض اسپتالن ۾ ان وائرس سبب فوت ٿيا. اسلام آباد ۾ ڪل 807 فوتگيون ٿيون. جڏهن ته گذريل 24 ڪلاڪن دوران هڪ مريض اسپتال ۾ ان وائرس سبب فوت ٿيو. بلوچستان ۾ 329 فوتگيون ٿيون، جڏهن ته گذريل 24 ڪلاڪن دوران هڪ مريض اسپتال ۾ ان وائرس سبب فوت ٿيو. گلگت بلتستان ۾ 148 فوتگيون ٿيون، جڏهن ته گذريل 24 ڪلاڪن دوران هڪ مريض اسپتال ۾ ان وائرس سبب فوت ٿيو. آزاد ڪشمير ۾ ان وائرس سبب 636 فوتگيون ٿيون. جڏهن ته گذريل 24 ڪلاڪن دوران 2 مريض اسپتالن ۾ ان وائرس سبب فوت ٿيا. هيستائين سڄي ملڪ ۾ ڪوويڊ – 19 جا هڪ ڪروڙ 62 لک 78 هزار 190 ٽيسٽ ڪيا ويا آهن. سڄي ملڪ ۾ ڪوويڊ 19 جي علاج جي لاءِ مخصوص 639 اسپتالن ۾ 4 هزار 275 مريض علاج هيٺ آهن.
129
