پاڪ فضائيه جو ويڙهاڪ جهاز تربيتي اڏام دوران ڪري تباهه، پائليٽ جهاز مان حفاظت سان لهڻ ۾ ڪامياب

اسلام آباد (ويب ڊيسڪ) پاڪ فضائيه جو هڪ ويڙهاڪ جهاز معمول جي تربيت اُڏام دوران اٽڪ لڳ ڪِري تباهه ٿي ويو آهي. ٻئي پائليٽ جهاز مان حفاظت سان لهڻ ۾ ڪامياب ٿي ويا. زمين تي ڪنهن به قسم جي جاني ۽ مالي نقصان جو اطلاع نه مليو. پاڪ فضائيه جي ترجمان مطابق واقعي جا سبب ڄاڻڻ لاءِ ايئر هيڊ ڪوارٽرز هڪ اعليٰ سطحي بورڊ جوڙي ورتو آهي.