ڪراچي(ويب ڊيسڪ) پاڪستان پيپلز پارٽي چيئرمين بلاول ڀٽو ڪراچي شهر جي مختلف علائقن جو سرپرائيز وزٽ ڪري صورتحال جو جائزو ورتو ۽ مختلف منصوبن جو معائنو ڪيو، پ پ چيئرمين جي اوچتي دوري دوران وڏو وزير سيد مراد علي شاهه سندس گاڏي هلائي ۽ روڊن رستن تي معمول موجب ٽريفڪ هلندي رهي، بلاول ڀٽو ڪلفٽن ٽي تلوار کان ٿيندو شاهراهه فيصل تي پي اي ايس سي ايڇ ۾ پاڻي جي نيڪال واري منصوبي جو جائزو ورتو، جتي کيس هلندڙ ڪم بابت بريفنگ ڏني وئي، جتان وري دوراجي ڪالوني ۾ ڪڊني هل پارڪ پهچي وڻڪاري مهم جو معائنو ڪيو، پ پ چيئرمين حسن اسڪوائر، لياقت آباد، سنڌي هوٽل، چونا ڊپو، گلبهار، لسٻيلو، پٽيل پاڙو ۽ ٻين علائقن جو به دورو ڪيو، جنهن دوران شهر ۾ ٽريفڪ جي مسئلن جو جائزو ورتو، جنهن کانپوءِ گرومندر، نمائش ۽ ريگل چوڪ کان ٿيندو امپريس مارڪيٽ پهتو، جتي کيس امپريس مارڪيٽ جي بحالي جي حوالي سان بريفنگ ڏني وئي، جتي پ پ چيئرمين دڪاندارن کان حال احوال ورتا ۽ دڪاندار ساڻس ملي خوش ٿيا ۽ ڳالهه ٻولهه پڻ ڪئي،
106
