مٽياري (ويب ڊيسڪ) مٽياري ڀرسان چيڪ پوسٽ ملوڪ جاگيراڻي وٽ قومي شاهراهه تي بھاولپور واسي، بيدار بخت، محمد ذيشان، عامر شھزاد ۽ عبدلوھاب جيڪي ڪراچي کان پنهنجي ڪار ۾ بھاول پور وڃي رھيا ھئا ته انهن سان ڦر جو واقعو پيش آيو، اطلاع تي ايس ايڇ او مٽياري اعجاز سومرو جي اڳواڻيءَ مٽياري پوليس پهتي، جتي فائرنگ جي ڏي وٺ ۾ هڪ ڦورو حنيف ڳھيلو کي مبينا مقابلي ۾ زخمي ڪري ھڪ ٽي ٽي پسٽل ۽ ٻن موٽر سائيڪلن سميت گرفتار ڪري ورتو، جنهن کي زخمي حالت ۾ سول اسپتال حيدرآباد منتقل ڪيو ويو، جتان ان جي حالت نازڪ ھئڻ سبب کيس ڪراچي نيو پئي ويو ته ھو زخمن جا سور نه سهندي رستي ۾ فوت ٿي ويو، جڏهن ته پوليس موجب 4 ڦورو ڏنو ڳهيلو، مير حسن ڳھيلو، رفيق ڳھيلو ۽ سراج ڳھيلو فرار ٿي ويا، ڊي ايس پي مٽياري عبدالرحمان ارباب، ڊي ايس پي سي آئي اي مٽياري علي شير خاصخيلي ۽ ايس او ايڇ مٽياري اعجاز سومرو مٽياري ٿاڻي تي پريس ڪانفرنس ڪندي چيو ته جلد فرار ٿي ويل جوابدارن کي به گرفتار ڪيو ويندو، ايس ايڇ او مٽياري جو چوڻ هو ته مارجي ويل ۽ فرار ٿيل جوابدارن مٿان پھرين به مختلف ڪيسن ۾ به ملوث آهن،
170
