118

وڏي وزير سان جرمن نيوي وفد جي ملاقات، اهم معاملن تي ڳالهيون

ڪراچي(ويب ڊيسڪ) سنڌ جي وڏي وزير سيد مراد علي شاهه جرمن نيوي جهاز فريگيٽ بيئرن (Frigate BAYERN) جي وفد سان وزيراعليٰ ھائوس ۾ ملاقات ڪئي. تازو ئي اهو جهاز جرمن – پاڪستان جي 70 سالن جي ٻه طرفن لاڳاپن جي جشن جي سلسلي ۾ ڪراچي پورٽ آيل آهي. جهاز جي وفد جي اڳواڻي جرمني جي پاڪستاني ۾ سفير برن هارڊ شلاگيڪ (Bernhard Schlagheck) ڪئي. وفد جي ٻين ميمبرن ۾ ​​جرمن قونصل جنرل ھولگر زيگلر (Holger Ziegeler)، ملٽري اتاشي – ڪرنل مائيڪل نوٿ (Michael Nauth)، ڪمانڊر آفيسر بيئرنگ شپ ٽلو ڪالسڪي (Tilo Kalski)۽ ٻيا نيوي جا آفيسر شامل هئا. وڏي وزير، صوبي ۾ آيل وفد جي آجيان ڪندي چيو ته ٻطرفن لاڳاپن کي زبردست انداز ۾ ملهائڻ جو هڪ خوبصورت موقعو آهي. ملاقات دوران ٻطرفن لاڳاپن، ڪورونا صورتحال، واپار ۽ ثقافتي معاملن تي خيالن جي ڏي وٺ ڪئي وئي. سنڌ جي وڏي وزير چيو ته ڪراچي نيوي شهر آهي. وڏي وزير، سنڌ جون روايتي سوکڙيون اجرڪ، ٽوپي، کهيس وغيره مهمانن ۾ ورهايون

هن خبر تي پنهنجي راءِ جو اظهار ڪريو.

پنهنجي راءِ ڏيو