ھالا (ويب ڊيسڪ) ھالا ويجھو قومي شاهراھ تي ڀنڀرا ڦاٽڪ وٽ موٽرسائيڪل ۽ ٽرالر وچ ۾ حادثو ٿيڻ سبب نيو سعيدآباد واسي نائلا زال عامر راجپوت ۽ سندس اٺن ورهين جي نياڻي حانيه راجپوت ٽرالر جي ھيٺان اچي چيڀاٽجي فوت ٿي ويون، جڏهن ته سندس ڏير عدنان راجپوت سخت زخمي ٿي پيو، جن کي تعلقه اسپتال ھالا آندو ويو ،جتي زخمي عدنان راجپوت ٻڌايو ته نيو سعيدآباد کان ھالا طرف دوا وٺڻ لاءِ اچي رھيا ھئاسين ته ڀنڀرا ڦاٽڪ وٽ رئو موٽرسائيڪل جي ٽائر ۾ ڦاسي پوڻ سبب موٽرسائيڪل سلپ ٿي ڪري پئي ۽ پويان کان ايندڙ ٽرالر اسان جي مٿان چڙھي ويو، لاش ضروري ڪارروائي بعد وارثن حوالي ڪيا ويا، ٻئي طرف ھالا پوليس ڪارروائي ڪندي ٽرالر ڊرائيور کي گرفتار ڪري ٽرالر پنهنجي تحويل ۾ وٺي ڇڏيو آهي، جڏهن ته آخري اطلاعن تائين واقعي جو ڪوبه ڪيس داخل نه ڪيو ويو آهي.
105
