ڪراچي (ويب ڊيسڪ) پاڪستان پيپلز پارٽي جي چيئرمين بلاول ڀٽو چيو آهي ته سردار عطاءُ الله مينگل جي سياسي ڪردار کي ڪڏهن به وساري نٿو سگهجي، سردار عطاءُ الله مينگل جي جدوجهد ايندڙ نسلن لاءِ هڪ مثال آهي، پ پ چيئرمين بلاول ڀٽو ڪراچي ۾ بي اين پي سربراهه سردار اختر مينگل جي رهائشگاهه تي پهچي ساڻس والد سردار عطاءُ الله مينگل جي لاڏاڻي تي تعزيت ڪئي، ان موقعي تي پيپلز پارٽي عورت ونگ جي صدر ايم پي اي فريال ٽالپر، ايم اين اي مير منور علي ٽالپر ۽ ٻيا اڳواڻ ساڻس گڏ هئا، پ پ چيئرمين بلاول ڀٽو چيو ته الله تعاليٰ سردار عطاءُ الله مينگل کي جنت الفردوس ۾ جڳهه عطا فرمائي ۽ پونئيرن کي صبر جي توفيق ڏئي، بلاول ڀٽو زرداري چيو ته سردار عطاءُ الله مينگل سدائين اصولن جي سياست ڪئي، سردار عطاءُ الله مينگل جي سياسي ڪردار کي ڪڏهن به وساري نٿو سگهجي، سردار عطاءُ الله مينگل جي جدوجهد ايندڙ نسلن لاءِ هڪ مثال آهي، جيڪو سدائين ياد رهندو.
123
