نئون ديرو (ويب ڊيسڪ) قائد عوام شھيد ذوالفقار علي ڀٽو جي پڳدار پٽ شھيد مير مرتضي’ ڀٽو جي 25 هين ورسي ڳڙھي خدابخش ڀٽو ۾ اڄ 20 سيپٽمبر تي ملهائي ويندي، جڏهن ته صبح ڏهين وڳي ايثال ثواب پهچائڻ خاطر مزار تي قرآن خواني ڪئي ويندي ۽ خيرات جو ننگر تقسيم ڪيو ويندو. جنهن بعد ورسي جو مکيه تقريب مزار جي احاطي ۾ جلسي جي صورت ۾ منعقد ٿيندي. ان سلسلي ۾ پ پ شھيد ڀٽو لاڙڪاڻي ضلعي جو ترجمان وريام علي چنا چيو ته مزار جي احاطي ۾ ٿيندڙ جلسي کي مرڪزي اڳواڻ خطاب ڪندا. ٻئي پاسي پاڪستان پيپلز پارٽي ضلعي لاڙڪاڻي پاران شهيد مير مرتضيٰ ڀٽو جي 25هين ورسي ڀٽو هائوس نئون ديرو ۾ ملهائي ويندي، جنهن ۾ 10 بجه قرآن خواني ڪئي ويندي ۽ خيرات جي ماني تقسيم ڪئي ويندي. ورسي تقريب ۾ ضلعي لاڙڪاڻي جا مقامي اڳواڻ ۽ ورڪر ۽ جيالا وڏي انگ ۾ شرڪت ڪندا.
134
