سکر (ويب ڊيسڪ) ڪرپشن ۾ ملوث سرڪاري آفيسرن کي پوسٽنگ ڏيڻ بابت ڪيس ۾ نيب ڪرپشن وارا پئسا واپس ڪري ٻيهر مقرر ٿيل 282 آفيسرن جي لسٽ سنڌ هاءِ ڪورٽ ۾ پيش ڪري ڇڏي آهي. نيب جي رپورٽ ۾ مختلف کاتن جي 285 آفيسرن جا نالا شامل آهن جن ۾ نيب کي رضاڪار طور تي پئسا واپس ڪندڙ، پلي بارگين ڪندڙ، ريفرنس ۾ نامزد، سزا آيل ۽ اپيل ڪندڙ آفيسر به شامل آهن. رپورٽ موجب رقم رضاڪار طور تي واپس ڪندڙ 19 کان 17 گريڊ جا 10 آفيسر به فهرست ۾ شامل آهن جڏهن ته پلي بارگين ڪندڙ سرڪاري آفيسرن ۾ گريڊ 17 ۽ 18 جا 53 آفيسر شامل آهن، پلي بارگين ڪندڙ آفيسر مختلف عهدن تي مقرر هئا. نيب سکر جي رپورٽ موجب نيب ڪيسن کي منهن ڏيندڙ گريڊ 18،19،20 جا 222 آفيسر شامل آهن.
143
