ڪراچي (ويب ڊيسڪ) ڪراچي پوليس جا 8 ڊي ايس پيز مسنگ پرسنس بابت ٽاسڪ فورس ۾ ضلعي فوڪل پرسن طور مقرر، ايڊيشنل آءِ جي طرفان جاري ڪيل نوٽيفڪيشن موجب ڊي ايس پي لال بخش سولنگي کي فوڪل پرسن سائوٿ، ذڪاءَ الله سانگي کي فوڪل پرسن سٽي، جاويد انجم شاهه کي فوڪل پرسن ڪياماڙي، يوسف جمال کي فوڪل پرسن اوڀر، شاهنواز ميمڻ کي فوڪل پرسن ملير مقرر ڪيو ويو، اهڙي ريت ڪورنگي ۾ آفتاب عالم، اولهه ۾ ناصر بخاري ۽ سينٽرل ضلعي ۾ خالق خان زئي کي فوڪل پرسن مقرر ڪيو ويو. نوٽيفڪيشن ۾ ڄاڻايو ويو ته مسنگ پرسنس بابت ٽاسڪ فورس ۾ مقرر ٿيل اهي ضلعي فوڪل پرسن پنهنجي پنهنجي ضلعي ۾ ڪم ڪندا، مسنگ پرسنس کان علاوه ٻي ڪنهن اسائنمينٽ تي ڪم نه ڪندا، مسنگ پرسنس بابت ڪيسن جي ٻڌڻي دوران لاڳاپيل جاچ آفيسر سميت ڪورٽ ۾ به پيش ٿيندا، جاچ آفيسرن کي قانوني مدد فراهم ڪندا، ميٽنگس ۾ به شرڪت ڪندا.
109
