ڪراچي (ويب ڊيسڪ) سنڌ حڪومت پنجاب، ڪي پي ۽ بلوچستان کان شاگرد يونينز جي بحالي جو قانون آڻڻ جو مطالبو ڪري ڇڏيو، صوبائي وزير اسماعيل راهو چيو آهي ته سنڌ حڪومت جیان پنجاب، ڪي پي ۽بلوچستان حڪومتون به شاگرد يونين کي بحال ڪن شاگرد يونين جي بحالي چيئرمين بلاول ڀٽوجو ويزن هو، يونيورسٽيز واري صوبائي وزير پنهنجي بيان ۾ چيو ته شاگرد يونين جي بحالي جو فيصلو دنيا ۾ پاڪستان جي جمهوري اميج/ تاثر کي بهتر ڪندو، عمران خان جهڙي آمراڻي سوچ ۽ دقيانسوي سوچ رکندڙ نٿا چاهين ته سياست جون هي نرسريون پروان چڙهن، اسماعيل راهو چيو ته تعليمي ادارن ۾ شاگرد يونين کي سينيٽ ۽ سينڊيڪيٽ ۾ به نمائندگي ملندي، يونينز شاگردن ۽ تعليم جي فلاح و بهبود تعليم جي فروغ لاءِ پنهنجو ڀرپورڪردار ادا ڪندي، هن چيو ته دنيا جي وڏي تعليمي ادارن ۾ اهي يونينز شاگردن ۽ تعليم لاءِ بهتر ڪم ڪري رهيون آهن، ٻين ملڪن ۾ شاگرد يونينز تعليمي ادارن ۽ حڪومتي جي سرپرستي ۽ سهڪار باقائده حاصل هوندي آهي، اسماعيل راهو چيو ته شاگرد يونين سان ملڪ ۾ حقيقي سياسي ليڊر اڀرجي سامهون ايندا ۽ ملڪ جي خدمت ڪندا، يونينز سوسائٽي جي تمام فردن سان تعلق رکندڙ شاگردن کي اڳتي وڌڻ جو موقعو فراهم ڪنديون.
115
