اسلام آباد (م ڊ) سپريم ڪورٽ جي چيف جسٽس انتظامي ۽ جوڊيشل اختيارن بابت ڪاميٽيون جوڙي ڇڏيون آهن،سپريم ڪورٽ جو چيف جسٽس عمر عطا بنديال بلڊنگ ڪاميٽي جو چيئرمين هوندو، جڏهن ته جسٽس اعجازالحسن ۽ جسٽس سجاد علي شاهه ميمبرن ۾ شامل آهن، جاري ڪيل جاري ڪيل پڌرنامي موجب بلڊنگ ڪاميٽي سپريم ڪورٽ عمارت، ججز گيسٽ هائوسز ۽ ٻين معاملن کي ڏسندي، جسٽس قاضي فائز عيسيٰ کي سپريم ڪورٽ ريسرچ سينٽر افيئرز ڪاميٽي جو انتظامي جج مقرر ڪيو ويو آهي، ريسرچ سينٽر افيئرز ڪاميٽي ۾ جسٽس منيب اختر ۽ جسٽس منصور علي شاهه شامل آهن، جسٽس قاضي فائز عيسيٰ لا ڪلارڪ پروگرام ڪاميٽي جو سربراهه هوندو، جڏهن ته لا ڪلارڪ پروگرام ڪاميٽي ۾ جسٽس مظهر عالم ميان خيل به شامل هوندو، اها ٻه رڪني ڪاميٽي لا ڪلارڪن کي مقرر ڪرڻ بابت سفارشون ڏيندي.
101
