ڪراچي (اسٽاف رپورٽر) شهيد محترمه بينظير ڀٽو ۽ اڳوڻي صدر آصف علي زرداري جي نياڻي ۽ پاڪستان پيپلز پارٽي جي چيئرمين بلاول ڀٽو زرداري جي ڀيڻ بختاور ڀٽو زرداري جي مڱڻي بلاول هائوس ڪراچي ۾ ٿي وئي، بختاور ڀٽو ۽ محمود چوڌري هڪ ٻئي کي منڊي پارائي، تقريب ۾ 100 کان 150 ماڻهو شريڪ هئا، ڊاڪٽرن جي مشوري سان آصف علي زرداري اسپتال کان تقريب لاءِ گهر پهتو، جڏهن ته بلاول ڀٽو زرداري بلاول هائوس جي مخصوص حصي ۾ آئسوليٽ ٿيل آهي، جنهن وڊيو ذريعي ڀيڻ جي مڱڻي ۾ شرڪت ڪئي، محمود چوڌري جي وارثن جو وفد 12 کان 15 ماڻهن تي ٻڌل هو، بختاور ڀٽو زرداري جي ڪراچي ۾ مڱڻي جي تقريب ۾ وارثن ۽ ساهيڙين شرڪت ڪئي، تقريب ۾ سينيٽر شيري رحمان، ايم پي اي فريال ٽالپر، ملڪ رياض حسين، فاروق ايڇ نائيڪ، انور مجيد ۽ ٻيا پڻ موجود هئا.
387
